Жер титирөөлөрдүн интенсивдүүлүгүнүн 12 баллдык шкаласы

Жер титирөөлөрдүн интенсивдүүлүгү – жер бетиндеги талкалануулардын жана башка көрүнүштөрдүн даражаларынын жердин бетиндеги конкреттүү чекиттеги сапаттуу мүнөздөмөсү. Ал үчүн он эки баллдык шкала колдонулат.

Жер титирөөнүн күчү боюнча градациясы (интенсивдүүлүгү, сейсмикалык натыйжасы): 

Бир балл – минималдык силкинүү, адамдар тарабынан сезилбейт. 

Эки балл (абдан алсыз) – бийик имараттардын жогорку кабаттарында алсыз олку-солку болуу сезилет. Себеби болуп техногендүүлүк эсептелет, жүк салынган жүк тартуучу машинанын терезе алдынан өтүүсүнөн пайда болушу ыктымал.

Үч балл (алсыз) – люстралар кыймылдашат. 

Төрт балл (мээлүүн) – имараттардын ичинде титирөө сезилет. 

Беш балл (күчтүү) – олку-солку болуу имаратта дагы, көчөдө дагы сезилет.

Алты балл (күчтүү) – эмерек жылат жана кулайт, идиш-аяк ордунан ыргыйт, терезенин айнектери жарылат. Адамдар коркуу менен имараттардан көчөгө качып чыгышат.

Жети балл (абдан күчтүү) – бутка туруп туруу кыйын, кыштан тургузулган үйлөрдүн дубалдары жарылат, тепкичтер жана курулуштардын тосмолору кулайт, көчөлөрдө жер көчкүлөр жана жараңкалар пайда болот, кышкысын – дарыяларда жана көлмөлөрдө муз жарылат. Кошумча коркунуч бар – өрттөр, авариялар, кыска ток туташып калуулар.

Сегиз балл (талкалоочу) – кыштан тургузулган тамдар талкаланат, жер алдындагы коммуникациялар үзүлөт.

Тогуз балл (талкалоочу) – кыртышта жараңкалар, дарыяларда жана көлмөлөрдө – катуу толкундоо пайда болот. 

Он балл (талкалоочу) – жолдордогу асфальт бүктөлүп жана талкаланат,  кыртыштагы жараңкалар – туурасы бир метрге чейин, жер көчөт жана жар кулайт. 

Он бир балл (катастрофиялык) – кыштан тургузулган тамдар дээрлик бардыгы талкаланат, жолдор катуу талкаланып калышат. 

Он эки балл (катастрофиялык) – жердин бети өзгөрөт, жер кыртышындагы жараңкалардын туурасы 10-15 метрге чейин, тереңдиги – 10 м чейин жетет же андан ашык болот, алар кийинки силкинүүлөрдө биригип же ачык бойдон калышат; кыртыштын вертикалдык олку-солкулуктар амплитудасы жарым метрге жетет; чоң-чоң аянттар чөгүп жана суу толуп калышы мүмкүн, же жогору көтөрүлөт - бир нече ондогон метр амплитудасы менен жана андан дагы көп; жараңкаларды бойлоп жылышуулар жүрөт.